Syri i Kaltër i Thethit Gus 29, 2020 | Destinacione, Destinacione ne Theth Syri i Kaltër i Thethit Syri i Kaltër është atraksioni natyrore më i frekuentuar në Theth. Vendndodhja e kësaj bukurie është në Kaprre të poshtme, afersisht 7 km larg nga qendra e luginës së Thethit. Syri i Kalter i Kaprrese në Theth, pjese e Parkut Kombetar Theth, është një pus (Pusi i Zi) me siperfaqe rreth 100 m² dhe rreth 3 deri në 5 m i thellë, i cili formohet nga Lumi i Zi qe zbret nga Kaprrea e siperme. I gjendur mes shpatesh shkëmbore dhe të gjelberuara, me thellesine e tij ky pus merr ngjyrat e kaltra dhe te smeraldit në varesi të stines duke formuar një pejsazh magjepsës për të gjithe vizitoret. Lumi i Zi buron në Majen e Zezë dhe ushqehet kryesisht nga shkrirja e borës dhe në Ndërlysa bashkohet me Lumin e Shalës për tu derdhur në Drin, Koman. Për te arritur në këtë destinacion mund ta llogarisesh krejtësisht me ecje në këmbë (3.5 ore vajtje) ose të kombinuar me një transfertë dhe ecje në këmb, 20 min transferte dhe 40 min ecje e moderuar. 5 km e para nga Thethi në Nderlysa janë rrugë makine rurale që gjarpëron bri lumit të Shalës. Nga Nderlysa tek Syri i Kaltër në Kaprren e poshtme jane 40 min ecje ndër të cilat vetem gjysma e pare është më e veshtire në ngjitje nderkohë që pjesë e dyte është mes pyllit të ahut për të t’u shfaqur surprizues syri i kaltër. Shtegu është i shënuar me shenja edhe pse ato janë amortizuar por shtegu i ecjes nga Nderlysa është aq i shkelur e i qartë sa nuk ke mundësi të humbesh. Në Ndëelysa sapo kalon urën dhe merr rrugën për në Kaprre të del përpara një nga pamjet më të mrekullueshme e formuar nga gërryerja e shkëmbit nga lumi, ku janë krijuar diska vaska ngjyre rozë dhe ujvara, që quhen Vaskat e Gurit ne Nderlysa. Book in advance to ensure the availability of a professional guide, primarily. For a more specific request please ask us a quote Call now for the best offer English Speaking Phone 00355 69 60 15 771 FollowFollowFollowFollowFollow Send us an email with your details Reserverations email info@thethi-guide.com
Klima në Theth Kor 8, 2014 | Destinacione, Destinacione ne ThethKlima e Thethit është mjaft favorizuese për turizmin. Karakeristikë e saj është dimri i ftohte dhe me dëborë deri në 2 metër, dhe vera e freskët. Ka shumë vende në majat e larta të maleve ku debora nuk shkrin gjatë gjithë vitit. Në Theth thith ajrin e pastër e të pasur me Jon, që zbret nga malet, “bjeshkët” në luginë, si dhe dritëzimin e qiellit të kaltër me cilësi të larta, që ruhet gjatë në brendësi të luginave të thella. Shfrytëzimi i rrezeve të pasura me ultravjolete, sidomos nga ora 9°°, janë shumë të shëndetshme për njeriun. Parku Kombetar i Thethit ka një klimë të ashpër në dimër, me rreshje dëbore që shkojnë nga 1.5 m në zonat e ulta e deri në 3 m në majat e larta. Parku ka mesatarisht 2.900-3.000 mm rreshje shiu në vit. Eshte vendi i dyte pas Boges ne Shqiperi per reshjet e shiut. Temperaturat luhaten nga +20ºC deri +30ºC në muajin Korrik dhe 14ºC deri -20ºC në dimër. Ne Theth ka rreth 110 dite me diell.
Kulla e ngujimit Kor 4, 2014 | Destinacione, Destinacione Kulturore, Destinacione ne Theth Kulla e ngujimit Kulla tre kateshe ne kete foto asht nje Kulle unikale me krejt trojet Shqiptare. Njihet me emrin “Kulla e Ngujimit”.Kullen e permend Edith Durham ne pershkrimet e saj, e Pemend Baroni Nopça, po ashtu edhe i madhi At Shtjefen Gjeçovi mbledhesi i Kanunit te Leke Dukagjinit, Kanunit te Maleve… Kulla tre kateshe ne kete foto asht nje Kulle unikale me krejt trojet Shqiptare… Njihet me emrin “Kulla e Ngujimit”…Kullen e permend Edith Durham ne pershkrimet e saj, e Pemend Baroni Nopça, po ashtu edhe i madhi At Shtjefen Gjeçovi mbledhesi i Kanunit te Leke Dukagjinit, Kanunit te Maleve… Kur e degjojne sintagmen “Kulla e Ngujimit” njerezit menjehere mendojne nje familje te ngujuar aty!? …Pershtypje krejtesisht e gabuar! Kulla ne realitet ka pase funksion krejt tjeter… Kur ka ndodhe qe jane vra malesoret mes veti, (per fat te keq kjo ka ndodhe!), atehere njerezit kane ra ne gjak! Fill mbas Vrasjes jane thirre pleqte njohes dhe zbatues te Kanunit te Lekevet… Nga ana e pleqve eshte kryer hetimi, si ka ndodhe vrasje, rrethanat e sa gjaqe mund te jene hape! Gjate procesit te hetimeve personi qe ka bêre vrasjen eshte sjelle i carmatosur dhe i shoqeruar me roja te kjo Kulle ku eshte mbajte i mbyllun, eshte marre ne pyetje nga pleqte si e qysh ka ndodhe vrasja! Ai qe ka kryer vrajsen eshte mbajte pastaj aty ne Kulle derisa Pleqnia kane dale me vendim te pleqnuar mire! Asnjeri nuk ka guxuar te afrohet aty te Kulla sepse pleqte jo vetem qe kishin autoritet bazuar ne Tradite por kishin edhe autoritet praktik… Kishin disa djem te zgjedhur per trimeri qe ishin roje aty te ajo Kulle! Po ata djem ishin ata qe benin shoqeromin e atij qe kishte bêre vrasjen deri te Kulla!… Pra Kulla e Ngujimit ka pase luajte rolin e Paraburgimit te sotem, Pleqte luanin rolin e Gjykatesit kurse djelmnia qe bente roje luajte rolin e Policise! Shumekush e gjykon Kanunin e Maleve, Kanunin e Lekevet pa e njohur fare!?… “Kanuni nxit gjakmarrjen!” -shohim nganjehere tituj artikujsh shkruar nxitimthi nga gazetaruce te porsadale nga veza qe kujtojne se i vene pikat mbi “i”?! …Kanuni nuk ka nxite gjakmarrjen Kanuni si Kod Penal i kohes ne kushtet e mungeses se shtetit ka qene rregullator dhe ka vendose drejtesine permes ligjit te pranuar nga te gjithe! Te akuzosh Kanunin per nxitje gjakmarrjen eshte njesoj si te akuzosh cdo Kod Penal te botes se sotme moderne per nxitje te Vrasjeve!?…… Ne kete Kulle pleqte shoshitnin se si eshte bêre vrasja dhe nese personi e kishte bêre vrasjen nga halli se ska pase tjeter rruge atehere Pleqnia ka bêre cdo perpjeke te mundshme me e mbylle ate gjak!Nje nga mjetet qe kane perdore ka qene edhe ky mjet… Ne Oden e Kulles silleshin burrat e familjes te se vrarit!Pastaj ne pranime e tyre sillej nje foshnje djale, ne djep dhe djepin e vendosnin permbys me foshnjen me krye poshte!Femija ne djep nuk mund te rrije gjate ashtu krye poshte dhe mbas pak kohe nese nuk sillet mbare foshnja vdes!?…”O Filani!”-i thonin pleqte te Afermit te te vrarit,”A po e fale kete kerthi a po e len me vdeke!?”…E rrinin te gjithe ne ankth duke prite çka do thoshte plaku i Pales te vrare!…Nje rast te tille e pershkruan Edith Durhami e cila ka qene vete aty e pranishme para nje shekulli… ILIR SECI Book in advance to ensure the availability of a professional guide, primarily. For a more specific request please ask us a quote Call now for the best offer English Speaking Phone 00355 69 60 15 771 FollowFollowFollowFollowFollow Send us an email with your details Reserverations email info@thethi-guide.com
Ujëvara e Grunasit Kor 3, 2014 | Destinacione, Destinacione Natyrore, Destinacione ne Theth Ujëvara e Grunasit në Theth Një nga destinacionet më unike të krejt Alpeve Shqiptare Një Monument Natyre Ujvara e Grunasit është një ndër bukuritë natyrore më të veçanta në brendesi te Parkut Kombetar te Thethit e ne krejt alpet Shqiptare, e shpallur monument natyre qe ne vitin 2002. Ujëvara e Grunasit ndodhet në shpatin perëndimor të luginës së Thethit në Alpet Shqiptare. Nis në rrëzën perëndimore të majës së Boshit, ku formon një lug të ngushtë shkembore nëpër një shpat gëlqeror, pastaj uji bie menjëherë nga një lartësi prej 25 m. Në fundin e ujëvarës është formuar një pellg, prej të cilit uji derdhet në luginën e Thethit, tek fillimi i kanionit të Grunasit. Gjithë shpati ku thyhen ujërat e kësaj ujëvare është i mbuluar nga një pyll i dendur. Për shkak të pikave të ujit që bien rreth unëvarës, në ditët me diell ajo shoqërohet thuajse gjithnjë nga ylbere në pjesën e poshtme të sajë. Ujëvara e Grunasit me mjedisin e saj, përbën një nga dukuritë e rralla të Alpeve Shqiptare dhe prandaj është një pikë e rëndësishme turistike. Në pjesën fundore krijohet një vaskë natyrale me ujë të smeraldtë që plotëson krej dekorin e rrallë prej se ciles ka fituar statusin e nje monumenti natyre. Faqet shkembore te rrjedhës janë një mundësi e mirë për alpinistët e sprovuar të cilët kanë shansin të ngjiten deri në fillesat e burimeve të Ujëvarës së Grunasit. Ujëvara e Grunasit është një atraksion natyror që e shpërblen me shlodhje dhe kënaqësi të jashtëzakonshme udhëtimin e një turisti drejt alpeve të Shqipërisë. Si te arrish kete atraksion Ujëvara ndodhet në rrethinat e fshatit Theth, në shpatin perëndimor të luginës së Thethit, vetem rreth 50 min për ta arritur duke u nisur nga qendra e fshatit Theth. Itinerary konsiston ne 20 min ecje fushore te lehte qe kalon buzi lumit qe pershkon fshatin mes per mes, dhe rreth 30 min ngjitje është e një vështirësie mesatare. Ecesit me te mire mund ta arrijne kete destinacion per 1.5 ore vajtje-ardhje. Ecja është spektakolare, duke ju dhënë mundësinë të vizitoni një natyrë plot me peizazhe të pasura në bimësi, maja të larta malesh në sfond, apo burime ujore. Panorama qe ju shfaqet me te mberritur ne destinacion eshte jashte aspektativave qe mund te kishit krijuar deri ne ate moment per kete atraksion. Book in advance to ensure the availability of a professional guide, primarily. For a more specific request please ask us a quote Call now for the best offer English Speaking Phone 00355 69 60 15 771 FollowFollowFollowFollowFollow Send us an email with your details Reserverations email info@thethi-guide.com
Vaskat e gurit një skulpturë e vërtetë natyrore Kor 3, 2014 | Destinacione, Destinacione Natyrore, Destinacione ne Theth Vaskat e gurit një skulpturë e vërtetë natyrore Vaskat e gurit ne Nderlyse, jane formacione shkembore te krijuara nga prurjet e bollshme te ujit te lumit te zi qe zbret nga fshati Kaprre. Ne fshatin Kaprre ky uje krijon Syrin e Kalter, nje bukuri e natyres qe mahnit cdo vizitor. Vaskat e gurit ne Nderlyse, jane formacione shkembore te krijuara nga prurjet e bollshme te ujit te lumit te zi qe zbret nga fshati Kaprre. Ne fshatin Kaprre ky uje krijon Syrin e Kalter, nje bukuri e natyres qe mahnit cdo vizitor. Pamja e tyre eshte mjaft interesante dhe e bukur pasi ka forma shume te ndryshme e te vecanta. Ne pjesen me te madhe jane te lemuara dhe te rrumbullaketa dhe ngjasojne si vaska te punuara nga nje artist me shije perfekte. Gjate periudhes se sezonit veror ato shfrytezohen edhe per t’u freskuar vizitoret e shumte te tyre. Keto masive shkembore me bukuri perrallore shoqerohen edhe me nje pishine natyrore me uje te kristalte ku ju mund te beni edhe plazh nen uren me te bukur qe bashkon dy shkembinjte e malit mbi pishinen ku aventurieret mund te hidhen per t’u lare. Atraksioni i vaskave gjendet në rrethinat e fshatit turistik të Thethit. Relievi dinamik i zonës të udhëheq falë shenjave që kanë vendosur banorët, në zbritje të luginës së Thethit. Duhet të kalosh përmes një tjetër fshati të vogël, atij të quajtur Kaprre dhe pas një ecje në këmbë do të shfaqen format më të çuditshme, që lagen nga ujërat e Lumit të Zi. Formacioni shkëmbor Vaskat janë formacione shkëmbore të rralla. Ato rrethohen nga vargmalet e gjelbëruara dhe lagen papushim nga ujërat e rrëmbyer të lumit dhe përrenjve të shkrirë nga bora. Mahnitesh nga format e shumta dhe të parregullta gjeometrike. Ato janë gdhendur në shekuj nga stërkalat e ujërave shkëmborë. Faqet e vaskave natyrale janë të lëmuara dhe shpesh gjatë muajve të nxehtë janë pishinat ideale për të freskuar trupin. Kujdes! Vaskat nuk janë të përshtatshme për fëmijët e pashoqëruar nga prindërit! Gdhendja Gurët e stërmëdhenj janë kryesisht të bardhë, por dallohet në damarët e tyre edhe një tonalitet i lehtë rozë që u jep pamje edhe më të bukur. Vaskat ngrihen mbi një luginë të gjatë, thuajse të zhveshur në shtrat dhe rrethuar nga bimësi e ulët në krahët malorë. Gdhendja që u ka bërë gërryerja e ujërave të borës është e pabesueshme, i ngjan një monumenti gjigand të skalitur prej shumë skulptorëve njëherësh. Book in advance to ensure the availability of a professional guide, primarily. For a more specific request please ask us a quote Call now for the best offer English Speaking Phone 00355 69 60 15 771 FollowFollowFollowFollowFollow Send us an email with your details Reserverations email info@thethi-guide.com
Liqenet akullnajore të qafës së Pejës Kor 3, 2014 | Destinacione, Destinacione Natyrore, Destinacione ne Theth Liqenet akullnajore në qafë të Pejes Për të vizituar liqenin e qafës së Pejës dhe gropën e bukur duhet të nisesh herët dhe të përshkosh një rrugë këmbësore që të shfaq bukuri të pakrahasueshme. Kur kalon lagjen më të fundit të Thethit, Okolin shikon në krahun e majtë majën e Radohimes dhe në të djathtë Majen e Alis dhe shpellën e Pejës. Pasi ke kaluar shpellën ngjitesh në qafe dhe shikon një panoramë përrallore. Në të djathtë është gropa e bukur dhe në të majtë është liqeni i qafës së Pejës. Gjatë kësaj dite që do të ngjiteni në majën e Harapi, në lartësinë 2217 metër mbi nivelin e detit dhe do keni mundësi të shikoni të gjitha majat me të bukura të Ballkanit Book in advance to ensure the availability of a professional guide, primarily. For a more specific request please ask us a quote Call now for the best offer English Speaking Phone 00355 69 60 15 771 FollowFollowFollowFollowFollow Send us an email with your details Reserverations email info@thethi-guide.com
